Robben, njëri nga favoritët për Topin e Artë

Paraqitja e Arjen Robbenit në finale të Ligës së Kampionëve ia ka shtuar shanset anësorit holandez për ta fituar çmimin prestigjioz, FIFA Topi i Artë. 29-vjeçari asistoi në golin e parë dhe shënoi golin e fitores që ia siguroi Bayern Munichut trofeun e garës më të madhe evropiane për klube. Paraqitjet e tij dhe titujt që ka fituar në edicionin 2012/2013 (Bundesliga, Liga e Kampionëve dhe është në finale të DFB Pokal) kanë bërë që Robben të ngjitet i treti në listën e favoritëve. Lionel Messi (Barcelona) vazhdon të jetë favoriti kryesor për çmimin e futbollistit më të mirë, ndërsa ndiqet nga rivali i tij kryesor, Cristiano Ronaldo (Real Madridi), që është në vend të dytë në listën e favoritëve.